Psa 61 | Vulgate_HebPs | STEP | victori per Idithun canticum David

Psalms 61

1 victori per Idithun canticum David 2 attamen apud Deum silebit anima mea ex eo salus mea 3 attamen ipse est scutum meum et salus mea fortitudo mea non commovebor amplius 4 usquequo insidiamini contra virum interficitis omnes quasi murus inclinus et maceria corruens 5 partem enim eius cogitaverunt expellere placuerunt sibi in mendacio ore suo singuli benedicunt et corde suo maledicunt semper 6 verumtamen Deo retice anima mea ab ipso enim praestolatio mea 7 ipse est fortitudo mea et salus mea susceptor meus non timebo 8 in Deo salutare meum et gloria mea robur fortitudinis meae salus mea in Deo [ (Psalms 61:9) sperate in eo omni tempore populi effundite coram eo cor vestrum Deus spes nostra est semper ] [ (Psalms 61:10) verumtamen vanitas filii Adam mendacium filii viri in stateris dolosis fraudulenter agunt simul ] [ (Psalms 61:11) nolite confidere in calumnia et in rapina ne frustremini divitiae si fluxerint ne adponatis cor ] [ (Psalms 61:12) unum locutus est Deus duo haec audivi quia imperium Dei est ] [ (Psalms 61:13) et tibi Domine misericordia quia tu reddes unicuique secundum opus suum ]